[訪問] 盧廣仲 大細路

做新人o既壓力真係好大，出碟會驚銷量唔好，出席公開場合又怕講o野，就算第1張碟賣得唔錯，絕對唔可以掉以輕心，要保持曝光率，又要為下一張專輯搞搞新意思，總之壓力大到就快爆炸。

然而作為新人o既盧廣仲卻無以上問題，你可以話佢神經太大條，感受唔到，但佢卻笑笑口話：「我沒有想這麼多，只是做自己喜歡的事。」咩都唔理，純按喜好去做事，本來只係細路仔o既專利，但廣仲呢個大細路做起上o黎，卻無任何突兀之處，強呀！

被樂理考起

好多人小時候都有過叛逆期，但廣仲就話自己係個乖小孩，一直好聽父母話，所以同父母感情好好，唯一令佢o地擔心過o既事就只有出車禍o個次。

「發生車禍的時候，我在台北，家人在台南，他們一聽到我出車禍，平時從台南到台北開車要4至5個小時，那次他們開很快，2個小時就到了，很誇張。所以我會好好照顧身體，不讓他們擔心才是孝順他們的好方法。」

雖然係個乖寶寶，但遇到唔鐘意o既事，廣仲都會直接同父母反映，唔會收埋o係個心入面。「小時候，我有學鋼琴，到3年級時要學樂理，老師要我寫功課，我覺得好煩，沒有寫，每次去上課時都沒有交。有一次上鋼琴課前，我就跟媽說不想學。媽就問我：「你確定不要學？」「我確定！」之後就再沒有學了。」但既然做o左歌手，廣仲不但打算練好結他技巧，重考慮學番鋼琴添！

而小時候o既廣仲，同其他男仔一樣，都好鐘意玩機械人，重為此作o左首歌，叫<無敵鐵金剛>。「那時候我爸買了鐵金剛（港叫鐵甲萬能俠）給我，我很喜歡，希望長大出社會後，可以跟我爸爸和爺爺般，可以負擔起家庭，買鐵金剛給自己的小孩玩，我覺得這是很cool的男生會做的事情。」嘩… …廣仲又孝順父母，又錫自己o的仔女，絕對係好老公人選啦！

唔做歌手做村長

音樂人對聽歌總有一套特別準則，而廣仲o既準則好簡單，只有兩個字──好聽。「我聽歌都好亂，只要是好聽的就會聽，但說到影響自己最深的，應該算是美式吧，從小就跟我媽一起聽英文歌，像Ray Charles，那些歌詞都很簡單，只有幾句一直在重複，所以我寫詞都偏向淺白。」

就算由學生變做歌手，廣仲o的同學對佢都好似以前咁，唔會特別禮遇，亦唔會巴結，唯一一樣o野唔同只係會好出力幫佢宣傳。或者正因為大家對佢o既態度無變過，所以佢對別人o既態度都係無變，依然咁為人設想。「好想之前去台大結他社會巡迴演出，表演前遇上停電，修理了好久都還是沒有電，最後沒有辦法，我就拿著結他走到台下，坐在人群中間唱。」

不過，做唔到歌手，廣仲亦無諗過o係台北生活，反而想返到鄉下，享受清靜o既日子。

「在都市比較緊張，自己也不太願意出門。如果回到台南老家，我反而會多出門走走，更有可能去選村長吧！因為選中會得到機車，每戶人家結婚時更會請村長去吃飯，感覺蠻不錯呢！」哈……如果由廣仲做村長，相信全村人都會識唱「對呀對呀」！


小圖一：廣仲由結他社出身，難怪一眾結他社凐員都勁愛佢呀！
小圖二：廣仲收到老闆送出o既巨大無敵鐵金剛，自然笑到入心。


以上摘自: 香港雜誌新monday vol.418 [TOP vol.29] (2008年10月3日出版)