!!!!!!!!!!廣伸宅宅歡迎光臨您!!!!!!!!: [訪問] 早安，宅男之美盧廣仲

173cm 唔算高大威猛，盧廣仲唔只死台妹，連仔都爭住認係歌迷，佢自爆：「常有男粉絲在廁所認出我，當場要求簽名、握手，還未洗手就要握手，實在太髒，哈哈！」

本來 2 個星期前香港處男獻唱，因為海高斯吹走了。先扮 Vitas （俄羅斯歌手）唱歌，勁高音，俾人放上 YouTube 勁 forward ，再見真章的〈我愛你〉、〈早安，晨之美〉，無鬼聊歌詞，但又講中晒界心聲，盧廣仲就咁彈起。首張正式大碟《 100 種生活》，今年 5 月推出至今在台賣過 2 萬 5 張，極受台灣 U 仔 U 女歡迎，香港旋風近月殺埋身，當然一身獨特宅男造型係佢「簽名式」，粗框眼鏡冬菇頭加 old school 衫褲，上週六終於冇受颱風影響，在商台後花園開騷，呢期最 hot ，唔係佢，諗唔到第 2 個。

Profile
姓名：盧廣仲
年齡： 23 歲
學歷：台灣淡水淡江大學西語系四年級生（主修西班牙文）
音樂之路： 04 年大學一年級，仍讀電工系的他，遇上車禍，幾乎搞到冇命，住了成年醫院，其間無事忙拎起支結他苦學，一彈上癮，不斷作曲。入行經過： 06 年開始不斷參加大學歌唱比賽，得了創作及獨唱冠軍，在政大金旋獎（唔少台灣音樂人在此揀蟀），創作組冠軍和人氣獎，得製作人鍾成虎（陳綺貞男友）賞識，簽約旗下，正式入行。
出過唱片：〈淵明〉單曲
〈早安，晨之美〉單曲
〈啊！大岩壁〉單曲
《 100 種生活》專輯

上週六來港出席商台迷你音樂會，盧廣仲怕醜仔上身唔敢多講，但一起結他就醒神，你睇佢個樣幾肉緊。

八百度
我比你們都幸福 / 運。盧廣仲在上週六商台後花園處男音樂會的前三天，我已在台灣感受了他的現場魅力。眼前 23 歲的盧廣仲，戴住八百度超大黑框眼鏡配雙豆豉眼，由她媽媽早在國小時為他設計的冬菇髮型，永遠襯古 tee 加短打（冬天還是會穿長褲，但表演除外），再加長度固定波襪（講明不是足球襪，只是普通運動長襪），講真，絕對騎呢。「給人家笑當然有，喔，不過我倒覺得沒關係呀，不要放太多負能量就是了！」邊講邊笑，足夠放一個大拳頭的口，他是台灣最潮宅男（港稱電車男）。當我第一次花 3 分鐘去聽他的歌〈早安，晨之美〉，直覺青春就是這樣嘛，可以很無聊，再聽埋〈我愛你〉，那種直接怎不叫人感動！跟宅男做訪問，原來會很 high ，他走路時笨笨的，即使拿結他都不會生動得多少，答題前例必想幾秒加傻笑。「還沒有想過要改變形象啊，我覺得這樣很好，這是我自己嘛，眼鏡夠大我才有安全感，所以我蠻怕要脫下它，長襪子都是同一道理。」在淡江大學讀西班牙文四年級的盧廣仲，被人笑慣了。「以前有，就算在路上都會有人回頭看我，但沒錯呀，我自己都會跟笑，我就是這個樣子！現在我看過路上有人裝扮跟我差不多耶，應該人家都覺得 ok 吧！」真宅男，完全陶醉在自己的世界。

盧廣仲出騷例牌擘大口唱海豚音，講親就要住個嘴做怕醜仔，仲例必帶埋條私家大毛巾上台抹汗，衫褲襪就在古店搞掂，份人好鬼統一。

八百度近視，可能遲一點會去做激光。痛？我不怕！不知道耶！理想的女朋友喲 … … 不知道耶！喔喔！

私家抹汗巾

歌迷以大學生居多，上週三（ 8 日）晚盧廣仲台北銘傳大學出席校園騷，女粉絲個個仆到台前潮拜，反應勁過壓軸舞王潘瑋柏。睇佢唱到格肋底都濕晒，就知佢出力。我可能是個宅男呀，沒關係呀，開心就好啦！

白日夢
高中才體驗初戀的盧廣仲，坦承拍過兩次拖，現在 single 。愛情，是他創作的一部分。「創作有加自己的感覺，還有自己的幻想。」從小到大不愛人多的地方，家在台南，現在自己一個人搬到台中讀書就更似宅男。「我不愛逛街，放學都想盡快回去，上網或是想什麼，就無聊呀，喔喔。我愛幻想，做白日夢之類。不過現在放學要去演唱，沒時間閒，白日夢都變成晚上的夢，我真的每一晚都會做夢！」宅男世界，見步行步。「不知道將來要怎樣，還要多讀一年才畢業，畢竟讀書就像個使命，但現在當歌手就覺得很好玩，喔喔！選西班牙文是因為不會有太多人選這一科，很酷耶！學業是有一點點影響，現在得到 65 分就已經很 ok 了。」一日宅男，一世電車男。盧廣仲的分別，就是他不會講就無敵、做就有心無力，發白日夢咩，就當歌詞咁寫埋出　唱埋出埋碟！唔好真係齋 hea 呀，有呢個宅男新指標，其他人明唔明？

宅男之家
睇完盧廣仲校園騷，記者直踩到佢工作室，放假唔使返大學宿舍住盧廣仲，只會一日匿呢個 workshop ，佢可以全日不停上網，最愛上台灣聯校討論網《 PTT 》（右圖）同班 U 仔交流玩電玩及模型心得，名副其實電車男。紅都照用 2 年前 VAIO notebook ，真慳家！